Green Deal Lëtzebuerg

Iddie fir den ëffentlechen Transport ze verbessere ginn et der an der Europäescher Unioun ganz vill. A genee all déi Initiative kënnen e Schlësselelement si fir eng besser Loftqualitéit a fir d'Emissioun vun Zäregasen ze limitéieren. A wa mir eis all méi op den ëffentlechen Transport géifen aloossen, kéint dat dozou bäidroen.Dat ass de Sujet am EU Green Deal Podcast vum europäesche Radionetzwierk Euranet Plus. De Jean Claude Majerus huet Detailer.

All Joers op e Neits ass de 14 Februar den Dag vun de Blummen. Op Vältesdag gi Millioune vu Blummen verkaf a verschenkt, mä ass dat de richtege Wee? Wéi gesäit de Blummemaart an der ganzer europäescher Unioun aus, si Blummen net romantesch mä och gréng? Blummen oder d'Geschäft mat de Blummen ass dann de Sujet an dëser Episod vum Green Deal Podcast vum europäeschen Radionetzwierk Euranet Plus. An de Jean Claude Majerus huet gemierkt datt et kee "rosegen" Reportage ass.

Déi rezent katastrophal Evenementer wéi d’Covid-Pandemie oder de Krich an der Ukraine hunn als Suite datt et zolitte Problemer an de Liwwerungen vu Materialen gouf a gëtt. Dat huet an der europäescher Unioun e Gefill propagéiert, datt d’Unioun net méi op den fräien Handel an de fräie Maart ziele kann, fir datt d’Ekonomie weider fonctionnéiert. An ëm déi Problemer an hir Suiten geet et déi Kéier am Green Deal EU Podcast an Zesummenaarbecht mam europäeschen Radionetzwierk Euranet Plus.

Ass et méiglech op déi schéinst Plazen op der Welt ze reesen ouni zolitten CO2-Footprint? Ass nohalteg Reesen am Fong nëmmen eng Zort Halluzinatioun? Oder gëtt et dat wierklech, awer just nëmmen fir déi, déi sech et och leeschte kënnen?
An da si mer schonn beim Green Deal EU Podcast an Zesummenaarbecht mam europäeschen Radionetzwierk Euranet Plus, wou mer probéieren eis Reesgewunnechten ze iwwerdenken.

Kënnen d’Natur an Influencer an de soziale Medien Hand an Hand goen? Oder sinn sozial Medie just do fir Materialismus an Konsumverhalen ze propagéieren amplaz ze hëllefen de Changement an der Gesellschaft deen duerch de Klimawiessel muss kommen, weider ze bréngen?
Dat si Froen ëm déi et dës Kéier am Green Deal EU Podcast an Zesummenaarbecht mam europäeschen Radionetzwierk Euranet Plus geet.

D’Chrëschtzäit ass all Joers op e neitst, wou et zielt d’Haiser ze dekoréieren, Kaddoen ze kafen an et steet och esou munches um Programm fir Chrëschtdag an Feieren vum Joersenn ze preparéieren. Et ass elo awer leider esou datt vum Kaddospabeier iwwert déi elektresch Dekoratiounen bis bei d’Freedefeier an Chrëschtbeemercher, all dës Traditiounen produzéieren e ganze Koup Offall an se hunn domat e negativen Impakt op d'Ëmwelt.
An domat hu mer schonn de Kader vun Green Deal EU Podcast an Zesummenaarbecht mam europäeschen Radiosnetzwierk Euronet Plus gesat.

An den Industrielänner ass et zimlech kloer datt Fraen dacks an der viischter Rei an der Lutte géint de Kilmawiessel an senge Konsequenzen fir den Alldag vir d’Mënschen besonnesch am globale Süde stinn. An datt ass dann och de Sujet an dësem Green Deal EU Podcast an Zesummenaarbecht mam europäeschen  Radionetzwierk Euranet Plus an et ass eng vun de Conclusiounen datt et och an der EU esou ass. Mer huelen iech mat fir eraus ze fannen wéi dann elo d’Relatioun vu Klimathemen an dem Gender ass.

Extrem Wiederevenementer, déi Suite vum Klimawiessel sinn, begéine mer weltwäit ëmmer méi dacks, a se ginn ëmmer méi extrem an intensiv. Eng Haaptprioritéit am Green Deal vun der europäescher Unioun, mat deem EU e gréngen Iwwergaang preparéiert, ass d’Ursaachen fir de Klimawiessel ze limitéieren. D’EU-Memberstaten wäerten sech awer och mat  domat beschäftegen mussen, d’Mesuren an Strategien ze entwéckelen fir de Biergerinnen a Bierger ze hëllefen, mat de Konsequenzen vum Klimachangement  liewen ze kënnen. An doriwwer geet et déi Kéier am Green Deal EU Podcast an Zesummenaarbecht mam europäeschen Radionetzwierk Euranet Plus.