Green Deal Lëtzebuerg

An den Industrielänner ass et zimlech kloer datt Fraen dacks an der viischter Rei an der Lutte géint de Kilmawiessel an senge Konsequenzen fir den Alldag vir d’Mënschen besonnesch am globale Süde stinn. An datt ass dann och de Sujet an dësem Green Deal EU Podcast an Zesummenaarbecht mam europäeschen  Radionetzwierk Euranet Plus an et ass eng vun de Conclusiounen datt et och an der EU esou ass. Mer huelen iech mat fir eraus ze fannen wéi dann elo d’Relatioun vu Klimathemen an dem Gender ass.

Extrem Wiederevenementer, déi Suite vum Klimawiessel sinn, begéine mer weltwäit ëmmer méi dacks, a se ginn ëmmer méi extrem an intensiv. Eng Haaptprioritéit am Green Deal vun der europäescher Unioun, mat deem EU e gréngen Iwwergaang preparéiert, ass d’Ursaachen fir de Klimawiessel ze limitéieren. D’EU-Memberstaten wäerten sech awer och mat  domat beschäftegen mussen, d’Mesuren an Strategien ze entwéckelen fir de Biergerinnen a Bierger ze hëllefen, mat de Konsequenzen vum Klimachangement  liewen ze kënnen. An doriwwer geet et déi Kéier am Green Deal EU Podcast an Zesummenaarbecht mam europäeschen Radionetzwierk Euranet Plus.

Héichwaasser, Stierm, Bëschbränn... de Klimawandel weist säin ellent Gesiicht ëmmer méi dacks a suergt fir Zerstéierungen, déi virun e puer Joer nach bal onvirstellbar waren. An d'Konsequenzen ginn méi wäit: Och eis mental Gesondheet ass betraff.

Mam Fliger an d'Vakanz, mam Auto op d'Aarbecht - do wëssen mir, datt dat net ganz gutt fir eis Ëmwelt ass. Mee wéi vill CO2 verschécke mir mat enger Email? Wéi vill Pollutioun stécht an eisem digitalen Alldag? Ass all owes Netflix wierklech besser, wéi an de Kino ze fueren? A wéi kënne mir den Energieverbrauch vun eise Gadgete reduzéieren? Deene Froe geet den Tom Haas no.

D'Klimakris? Gëtt et dat iwwerhaapt? Dat ass eng Fro déi héiert een den Ament, wat gutt ass, vill manner. Mä et gëtt se awer nach ëmmer déi Leit déi de Klimawiessel ofstreiden, och wann déi Klimaskeptiker hautesdaags net méi grad esou evident ze detektéiere sinn, wéi dat emol war. An ëm déi Klimaskeptiker geet et déi Kéier am Green Deal EU-Podcast vum europäesche Radionetzwierk Euranet Plus.

Sharing Economy ass e Begrëff deen een emol ëmmer nees begéint. D'Sharing Economy ass einfach gesot eng Zort Sammelterm fir Geschäftsmodeller, Plattformen, Firmen oder soss praktesch Approchen déi et méiglech maachen, ganz oder deels ongenotze Ressourcen gedeelt ze notzen, oder anescht gesot et fënnt een an der Sharing Economy  eng gemeinschaftlech Consomatioun, oder eng Kollaboratioun an der Produktioun, en Zesummeschaffen am Finanzberäich, en oppen an zougänglecht Wëssen grad ewéi horizontal an oppen administrativ Strukturen.
Där Sharing Konzepter fënnt een scho méi laang an der Landwirtschaft, an eng bekannte Form ass déi sougenannten Coopérativ.
An ëm Sharing Economy oder gedeelten Economie gëtt et dëser Episod vum Green Deal Eu Podcast vum europäesche Radionetzwierk Euranet Plus.

Jiiddereen eenzelnen kann bei sech selwer ufänken, selwer iwwerleeën, sech selwer a Fro stellen a selwer bewosst ginn, wéi een der Ëmwelt hëllefen kann a jiidereen ka selwer eppes an der Lutte géint de Klimawiessel maachen. An do kënnt et ganz sécher och op déi sëllegen kleng Gester un, well och kleng Gester an der grousser Mass si wichteg fir géint de Klimawiessel ze agéieren a reagéieren. An dat ass de Sujet an eisem Green Deal EU-Podcast an Zesummenaarbecht mam europäeschen Radionetzwierk Euranet Plus.

De Klimawiessel ass e ganz aktuellen a précaire Phänomen, wou onbedéngt eppes dergéint muss gemaach ginn. Mä fir géint den Kilmawiessel ze agéieren an ze reagéieren, ass et wichteg d'Mënschen  dovun ze iwwerzeegen hir fest etabléiert Gewunnechten ze änneren a sech och bewosst ze sinn dat Mesuren géint de Klimawiessel och mat zousätzleche Käschte kënne verbonnen sinn. Ouni awer datt ee onbedéngt direkt e Resultat gesäit. Et ass kloer datt esou Demarchen duerch ze setzen fir Politiker schwiereg Decisioune sinn, well si jo och, a wann nëmmen am Hannerkapp,  un hire Wieler denken.
Am der Green Deal EU Podcast vum europäesche Radionetzwierk Euranet Plus kommen déi Kéier Jugendlecher an Experten zur Wuert, déi weisen wéi jonk Leit duerch déi aktuell Klimakris d'Politik gesinn an wiem se vertrauen fir datt et zu Changementer kënnt.