Green Deal Lëtzebuerg

Et ass sécher net vu Muttwëll emol eng virtuell Rees an d’Stied vun der Zukunft ze maachen, well der vill nawell skeptesch sinn op grouss Stied iwwert capabel sinn eng sënnvoll Roll an europäeschen Green Deal, also dem Plang vun der europäescher Unioun d’Ekonomie nohalteg ze maachen, kënne spillen.
An dat ass de Sujet dës Kéier am Green Deal EU Podcast an Zesummenaarbecht mam  europäeschen Radionetzwierk Euranet plus.

“Ech wéilt ech kéint Fléien”, datt ass dach en Dram deen Mënschen scho Joerdausende laang hunn. Mä déi kollektiv Realisatioun vun deem Dram ka ganz séier en Alpdram ginn, well de Fluchverkéier gehéiert hautesdaags zu den Haaptursaachen vum Klimawiessel. An doriwwer geet et déi Kéier am Green Deal EU Podcast an Zesummenaarbecht mam europäeschen Radionetzwierk Euranet Plus.
Mer maachen deemno eng relativ ëmweltfrëndlech Rees duerch  Europa fir eraus ze fannen, ob een iwwerhaapt eppes maachen kann, fir d’Flugreesen oder d’Fléien am ganzen méi propper ze maachen.

Wann ären Handy futti ass, ass et dann am Fong net vill méi einfach, vill méi bëlleg a vill méi séier, sech e neien ze kafen, amplaz deen alen Handy flécken ze loossen? Dat ass leider haut eng Erfarung déi een méi wéi eng Kéier mécht.
An dëser Episod vum Green Deal Eu Podcast an Zesummenaarbecht mam europäeschen Radionetzwierk Euranet plus geet et ëm Ëmweltkäschten an der aktueller Gesellschaft , well villes onnéideg ewech gehäit. An néideg wär e Recht op Reparatur.

De Verkéier op de Stroossen war an de leschte Joren fir bal 30 Prozent vun alle Zäregasemisiounen  an der europäescher Unioun responsabel a bal zwee Drëttel vun den Zäregasen dovun koum vu Luxmaschinnen.
Mä fir méi a méi Mënschen, virun allem jonk Leit ass den Auto haut awer net méi deen Statussymbol deen et emol war. Dat kënnt och sécher doduerch well den Auto esou eng negativ Connotatioun huet am Kontext vun deene Zäregasemissiounen huet.
Et kann ee sech deemno e puer Froe stellen: Kéint den Auto also geschwënn eng Saach aus der Vergaangenheet sinn? Kéinten d’Europäer hir Sucht no Autoen an de Grëff kréien an sech fir aner, méi douce Transportmëttelen, wéi zum Beispill Veloën begeeschteren?  Domat beschäftegt sech déi Kéier de Green Deal EU Podcast an Zesummenaarbecht mam  europäeschen Radionetzwierk Euranet plus.

An de leschten 200 Joer sinn an Europa duerch Promotioun vun enger besserer Hygiène enorm Fortschrëtter an der ëffentlecher Gesondheet gemaach an och am Gesondheetswiesen huet dëst e positiven Afloss gehat. Mä wat mécht dat Striewen no engem propperen oder muss soen sterillem Liewen mat eiser Ëmwelt. Genee dat ass de Sujet déi Kéier am Green Deal Eu Reportage  vum Jean Claude Majerus an Zesummenaarbecht mam  europäeschen Radionetzwierk Euranet Plus

Feieren läit dach zimmlech an der Natur vum Mënsch. Mä wéi nohalteg iwwerleeë mer dann wann et ëm d'Feiere geet, an dat heescht Feieren op alle Niveauen ëffentlech oder privat. Kleng Familljefeieren oder och grouss Festivaler. Mat all dem Stress dee mer duerch d'Pandemie erlieft hunn, dann d'Liewenkäschten déi ëmmer méi héich ginn oder och d'Angscht duerch den ëmmer nees zitéierten Klimawiessel bidden déi eng oder aner Feieren oder gréisser Fester dach bestëmmt fir eng Ofwiesslung, wou de Mënsch op mannst emol fir e kuerzen Ament alles vergiesse kann. An dat mécht de Mënsch schonn zanter éiwegen Zäiten, mä kann een da beim feieren ekologesch Iwwerleeungen einfach lénks leie loossen. Dat ass de Sujet mat deem de Jean Claude Majerus sech an dëser Episod vum Green Deal-EU Reportagen  an Zesummenaarbecht mam  europäeschen Radionetzwierk Euranet Plus beschäftegt huet.

D'Ernärung vu moar hänkt ganz kloer vun den Decisiounen an de Choixen déi d'Gesellschaft haut hëlt of. Decisiounen an Choixen déi duerch esou munches beaflosst kënne ginn, wéi d'Demografie, d'Gesondheet, d'Ofhängekeet vun  der Ekonomie, geopolitesch Approchen, wéi aktuell de Krich an der Ukraine eis et léiert, an natierlech och praktesch iwwert allem, de Klimawiessel. Sech iwwert d'Ernärung Gedanke maachen, ass dem Jean Claude Majerus säi Sujet an dëser Episod vum Green Deal EU Podcast vum europäeschen Radionetzwierk Euranet Plus.

De Klimawiessel an och d'Zerstéierung vun der Ëmwelt, grad ewéi e sëllegen Krisen a Katastrophen deen d'Mënschen ausgesat hunn e groussen Afloss op eisen Alldag an op eist Liewen. D'europäesch Unioun an d'europäesche Kommissioun wëllen sech dogéint am Kader vum Green Deal EU stäipen. Mer proposéiere iech eng ganz Partie Reportagen déi an enger Zesummenaarbecht mat europäeschen Radioen gemaach goufen. Wéi wäit huet Covid-19-Pandemie d'Mënschen an hire Klimaziler hannedra gehäit  an do besonnesch och an der Lutte géint ze vill Plastik. An dat ass de Sujet  an der éischter Episod vu Green Deal EU Reportagen vum Jean Claude Majerus, wéi gesot Zesummenaarbecht mam europäeschen Radionetzwierk Euranet plus